أرشيف لـديسمبر, 2009

ياااي طلع ياي

Posted: ديسمبر 28, 2009 in تحية مسائية ..

صدقني السيارة مايلة لأن الأرض مايلة .. لا ياشيخة من جد ما اشوفها مايلة يمكن عيونك مايلة عندك نوم ، أنا : فصيح ماشاء الله  طيب بكيفكم ، ساعة وما عرفوا يركبوا الكفر .. أسمعهم يقولوا مدري شكل المساعد سار فيه شيء الثاني أفتك منه “من فتك” : طيب نغير مكان العفريته ..  الآخر: طيب إنت انتبه للعفريته الثانية لا تهتز . ما نفع ، والله مشكلة طيب والحل .. وما زالت الحيرة بين العباقرة مستمر وأنا ألعب بلعبة في الجوال خرجت من السيارة : فين وصلتوا .. هم :  المريخ يعني فين وصلنا منت شايفتنا حايسين ،  الآخر : المشكلة السيارة ترتفع والمساعد حق الكفر ما يطلع ، أنا : مو كأنكم حاطين العفريتين جنب بعض .. أحدهم : إلا .. قاعدين تجرب ،أنا :  طيب يا شباب الأرض مايلة طبيعي الزنبرك يوازن … قاطعوني بضحك مدوي إش تقولي زنبرك ههههههيييييي هاااااااا خخخخخخخ .. طيب إيش إسمه سُسته ، هم : لا سحاب هههههههههههههااااااااااي ، اسمها ياي ، لا بالله طلع اسمها ياي ، طيب أتفلحن إنت وإياه وركبوا الكفر ، نظرات غضب منهم لي با دلتها بنظرات سخرية بيهم ، رجعت السيارة وقعدت أتسلى بـ الجي بي إس أختار مناطق وأحددها بالدبوس ،وصورتهم كم صورة ،  طفشت خرجت تاني .. أخبار الحايسين 🙂 ، هم خلاص وصل القرف حده ، أنا : ممكن إقراح .. هم : خير .. إش رايكم تحطوا وحدة من العفريتات تحت المساعد اللي فوقه الياي مباشرة .. طيب ، أنا : لا تحط العفريته كذا دخلها على جوا شوية بعدين لمن ترتفع ما راح تقدر تركب الكفر لأن العفريته طالعة على برا .. هو : طيب يا أبلة ليلى .. إش قلت ؟!

وركبوا الكفر .. أنا : يعني ما تستغوا عن حلولي اعترفوا .. صممممت .. ما تمشوا خطوة صح من غير توجهاتي .. ويستمر الصمت ، أنا قلتلكم من أول الأرض مايلة ، يا فرحتك خلاص إنت بطلة أنبسطي  إنت ذكية الأذكياء مافي زيك ، الآخر : كان ركبتي الكفر عننا مادام إنت خبرة .

مدري ليه شبابنا عبيط أنا ممكن ما أفهم في الميكانيكا بس الله ما شفناه بالعقل عرفناه الأرض مايلة والـ ياي حقتهم ممطوط عشان توازن السيارة مع الميلان يعني ما يحتاج درس عصر مجرد فيزياء ، وإلا لأننا إناث ما نفهم .

ليلى . ق

.

.

ثقافة التصويت والإقتراع مهمة في عصرنا الحاضر

والتصويت يعتبر استطلاع هام لمرئيات الناس

للأسف دولنا لا تهتم به كثيرا لدراساتها وبحوثها

وهو من الأساليب الراقية في كثير من الدول المتحضرة

وأغلب الدول تأخذ به كاسلوب ديمقراطي وتهتم لنتائجه


المهم


هناك موقع على النت يعمل حاليا استفتاء

لاختيار أفضل رجل من 10 رجال

وستعلن النتيجة يوم 2 فبراير 2010


وقد وضعوا الإختيارات والترتيب كالآتي :

1-

2-

3-

4-

5-

6-

7-

8– سيد الخلق Muhammad

9-

10-

————————


للتفاعل والتصويت ادخل هذا الرابط

http://www.bestofmen.org


——————————-

أعطى صوّتك لأفضل رجل شهدته البشرية رسولنا محمد

(Muhammad)


عليه أفضل الصلاة والتسليم


—————————–

** رقم رسول الله هو رقم (8 )

** أشر ثم ارسل بالنقر على كلمة Vote أسفل الأسماء

** يتم التصويت قبل ظهور النتيجة في 2/2/2010

ستجد التصويت على الشكل الآتي:-


Who is the Best of Men?

من هو أفضل الرجال?


…………..إبرهام لينكلون .. Abraham Lincoln .

………البيرت إينشتاين .. Albert Einstein .

. بوذا .. Buddha.

……عيسى المسيح .. Jesus Christ.

. كارول ماركوس .. Karl Marx .

……………مهاتما غاندي .. Mahatma Gandhi .

……… مارتين لوثر .. Martin Luther.

.محمد صلى الله عليه وسلم .. Muhammad………..

……. القس بول .. Saint Paul .

………………. ويليام شكسبير .. William Shakespeare .


=====================

ليلى . ق

اليوم جلست مع نفسي كثير وشكلي طولت المدة ، ما تركت شيء الا فكرت فيه واحلل الأمور بمنطق في حالات وحالات فلسفة ، فكرت في الناس .. ناس قريبين ليا وناس تلفت نظري تصرفاتهم .. المهم كنت اشوف التلفزيون وقلبت على قناة أبو ظبي ولقيت حلقة عدنان ولينا أنبسطت ، فلم الكرتون دا لا يمل ممكن أشوفة 600 مرة وأضحك كل مرة الشخصية إللي أحبها هي عبسي راعي قفشات ويوسع الصدر وأنا مندمجة جات لقطة تفطس قلت في نفسي الله يقطع شيطانه نفس حركات فلانة (قريبتي) أستغربت من نفسي أما أربط عبسي بشخصية حقيقية ،، للمعلومية طبعا أغلب إذا مو كل شخصيات الكرتون مأخوذة من شخصيات حقيقية في الحياة من شان هيك التشبيه مو بعيد بس عبسي حته وحدة ، المهم سرت أقارن كل حركاته وكلامة بقريبتي سبحان الله طلعت عبسية بإمتياز الحلو لمن أجتمع معاها نسوي شيطنه وضحك للصبح ، بس للحق فيها صفات صعبة .. مثلا عبسي زعووول وأخلاقه في خشمة لسانه سليط وما يحاسب على كلامه يحب الأكل راكب راسه عنييييد رأيه يمشي يعني يمشي متسرع ويتملل بسرعه صبره قليل ردات فعله انفعاليه يقدر النوم والتمرد المرافق للعصيان هرجه كثير .. و حسناته تتمثل في طيبة القلب خدوم وفيّ نشيط حماسي حنون بمزاج ،، سبحان الله قريبتي فيها نفس الصفات !

تصدقوا وأنا أقرأ الصفات أعلاه استغربت من إني أتقبلها بحكم عشرتي لهذي الإنسانة الحق ينقال ما عمرها أتعابطت معايا أو أتمنذلت أصلا ما تقدر << ثقة ، بس ألاحظ إنها كدا تتصرف مع إللي حواليها .. عموماً هي خفيفة الظل و الجلسة معاها حلوة بس لاتجيها إحدى النوبات الطيبات تسير أف ما تنطاق والبعد عنها أحسن ، كمان غيرتها يااااااااليل مرة غيارة .. مرة كنا نتكلم عن الغيرة وقالت لمن أتزوج والله لو سمعت إنه فعل والا قال وتداركت وقالت هو فينه المعرس الله ياخذة هههههههههههه

امممم اعرف اثنين برضة عبسيات .. عبسية 1 متعبة زوجها بسبب طبايعها رغم إنه كان يتجنن عليها هي نصه الثاني والأكسجين إللي يتنفسه .. أتعلم الرسم بالفحم عشان يرسمها ، والآن سار كئيب يحب يجلس لحالة في المكتب ومتحملها بالقوة تعبه عنادها وعصبيتها ولسسسسسسانها اللاسع ، الظاهر راحت الرومنسية وغلبت الطباع .. زوجها رومنسي جداً جداً .. ونتعب نقول حسااااس .. و مزاجي بامتياز لكن فرفوووووش وحبوب طول ماهو رايق وفي من يطبطب عليه و يداري على  مشاعره .. الصنف دا من الرجال يبغاله معاملة خاصة كيف عرفت ؟ لأنو خالي زيه نفس الصفات وكمان يقدس الأسرة ويحب تجمع العائلة وجلسة الوناسة والضحك وبالذات الجلسة معايا إذا اجتمعنا أنواع الحش والتنكيت مرة كانت في عزيمة في بيته لمن وصلت قال دوبها بدأت الحفلة << مبسوطة من نفسها  .. أحبك يا حبيب القلب مازولا .

وعبسية 2 زماااااان عنها مدري اش أخبارها .. ياه شوفوا فين وصلني الكلام بس تصدقوا نفعتني الدردشة دي لمن أفكر غير لمن أكتب  وأراجع إللي كتبته ، لأنو اتضح إني لازم أنبه قريبتي تخف شوية بكره لمن تتزوج أخاف تسير صداع والزواج يحتاج إنسانة عشرية تفتح النفس مو تأزم الأمور بإنفعالاتها و عنادها وصراحتها الجارحة هي ذكية جداًما شاء الله لكن ذكائها هنا ماراح يسعفها ،، أعرف إنها راح تقول حراام عليكِ أنا رومنسية مووووت ووو .. طيب بس بكره تروح السكرة وتفوح الطبايع الزينه إلا إذا ربنا رزقها بزوج صبوووووور .. أعرفها محد حكاني .

الساعة 4,37 وما جا النوم لأني نمت أول الليل كالعادة بس طفشت بروح أحسن أقرأ لي كتاب من الكتب إللي كل يوم أوعدها ببكره .. نفسي أحط رموز بس مافيني بخليه أنذر تايم ، دوبني ادري إنو بريتني ميرفي ماتت كانت تملك عيون جميلة وابتسامة مميزة يالله على قولة اخوانا المصريين خوصارتك في النار .

فتوكو بعافية

ليلى . ق

ما هي أمنيتك ؟

Posted: ديسمبر 22, 2009 in تحية مسائية ..