لعبة حزر فزر

اللعبة ماهي جديدة لكنها حلوة .. إنتوا حطو الشخصية  أياً كانت في بالكم وهو يحزر لين يجيب الشخصية بالضبط

أترككم مع اللعبة .. جربوها وقولولي كيف 🙂

ليلى. ق

شنو هاظ يا ليلى ؟

الحوار كالآتي :

جملة منها ثم ( .. ) يعني جملتي بعدها

ليلى ؟ ..

نعم ..

مدونتك سودا وسكتنا عليها << ( كأنو عاد بيدها تسوي شي ) ..

وكمان مواضيعك ..

شو مالها  مواضيعي ..

يختي مدري ..

بالله قولي قلقتيني ..

لا بس نوعي ..

كيف أنوع أحط كرفس وبطيخ ..

لالا يا عبيطة نوعي نوعي ..

إش تبغي إنت ..

أقصد المواضيع ..

طيب منوعتها ماني مركزة في جانب واحد بالعكس جايبة من كل بحر قارورة صحة  ..

أقـصـــــد ..

وش تقصدين ترى مدونتي عاري وتاري والزي منه  ..

سلامات شاربة تركي وفالتة علينا ( يعنني ) ..

إئلبي وشك ، طيب يا حلوة ما قلتي شيء مفيد كله أقصد وأقصد ..

طيب ما عرفت الصراحة بس في شي غلط أعرف على طول انه دا اسلوبك لكن مدري في شيء ناقص ..

متؤولي كدا من الصبح أكلتي مخي ..

وإنتي أكلتيني بقشوري ..

أنا دنا بريـــــــــــئة ، يعني قصدك الكلام ما يمثلني والا كيف ..

كيف ..

من جد ..

الصراحة أعرف على طول إنها شخصيتك لكن ناقصة ليلى الخنفشارية أحس فيه جدية شوية ..

يختي لازم أكون رزة الركازة زينة  ..

بس يختي مو شي فكي على نفسك ..

ههههههههه ليه متلثمة ببطانية ، ولا يهمكيش يا أبلتي أفك على نفسي ..

والله مدري عنك ..

قلنا طيب في رأيك أكون على راحتي ..

يس ..

لعبتي بعقلي  بس ما احب اقول اليوم أكلت وشربت وطاح ولد الحارس وسمعت خصام الجيران ما احب إلا الشي المفيد ..

بصراحة كلامك دايما مفيد وحلو هرجك أنقليها بنفس الطريقة هنا  ..

تسلمي ياعسل بس ما أحبش القرقر كثير إنت تحبين الهذرة ..

صدغيني راح تسير مدونتك خفيفة دم ..

يخص ليه لدي الدرجة مواضيعي جامدة ..

لا بس أبغاكي تنقهري  ..

مدري أحسك فسادة ..

خيييييييير ليش ؟ ..

لا تدقيقي طلعت مني كذا مالها معنى ..

ههههههههههه ..

(أنا) ههههههههههههه ..

صدقيني كلامي صح و راح تدعيلي  ..

كثري منها .. راح أفكر في موضوعك بس بكون على طبيعتي لا أستخف في دمي ولا أسوي ثقيلة إللي في راسي بحطة بكيفي مدونتي  يالله هش برا ..

طيب لا تدفي برب ..

لا برب ولا يحزنون قدني طالعة خلاص أشوفيكيشن الخموس ..

تيب ..

بايون ..

بايون .

هذا كان الحوار مع قريبتي ، وهيدي الإصة ، ما عرفت من وين أبدأ وامشي على نصيحتها وبعد حوسانٌ تلوا الحوسان آثرت أحط الحوار زي ما هو ، عشان لو  لو حسيتوا تغيير في الانتاج والإخراج تكون عندكم خلفية .. كأني بربرت .. المهم بهذه المناسبة راح أحط إختبارين فلة اليوم واحد وبعد كم يوم الثاني ..

إختبار اليوم ياباني سهل يبغالوا شوية تركيز أو شويتين ، وهو يطلع عمر عقلك الحقيقي

الطريقة :

راح تطلع شاشة فلاش يابانية بالنص كلمة start

اضغطوا عليها راح يطلع عد تنازلي من 3-1

بعد كذا تطلع أرقام أحفظوها بسرعة

بعدين لمن تطلع الدوائر (اظغط) ينرفزوني اللي يقولوا كذا ، المهم اضغط عليها

بحيث تبدأ بالرقم الأصغر فالأكبر .. انتظر بعد عشر محاولات بيطلع عمر عقلك الحقيقي

V

من هنا

بس أنتبهوا من الـ 0 الزيرو الله يخسة جبلي القرف كم مرة ما انتبهله أكنسلة وأبدأ بالواحد

وخبروني كم طلعت أعمارك عقولكم ..

ليلى.ق